شهریارنیوز خبرینه گوزه، تبریز بلدیه رئیسی دکتر یعقوب هوشیار بو گوروشده، خدمات، شهرسالما و تیکینتی کیمی مختلف موضوع لاردا همشهری لرین شکایت لری و ایستک لرینه قولاق آسیب لازم اولان فرمان لارا امضا آتدی.
بو گونکو گوروش ده تبریز بلدیه رئیسی ۲ جی بلدیه منطقه سینین مختلف محلله لرینین اهالی سی ایله گوروشوب اونلارین سوزلرینه قولاق آسدی.
تبریز بلدیه رئیسی، شهر اداره سینین بو دوره سینده خدمت مسئله لرینه چوخ اهمیت وئره رک، شهرین مختلف محله لرینده ۹۲ دفعه اهالی ایله گوروشوب دور.
همشهری لر ایله اوز به اوز گوروش لر، اونلارین شهر مسئله لرینین حللی ایله برابر، تبریز بلدیه سینین هر ایل یازیلان بودجه ده ده تاثیرلی دیر.
تبریز بلدیه سینین منطقه لر ده یا دا اونا باغلی اولان شرکت لر و تشکیلات لاردا مسئله لرینی حل ائده بیلمه ین همشهری لر، تبریز بلدیه رئیسی له گوروشمک اوچون، بلدیه نین ارتباطات و بین الملل علاقه لر اداره سینه باش وورا بیلرلر.
نظرات