شهریار سایتینین خبرینه گوره،محسن تویسرکانی کرمان بلدیه رئیسی و بلدیه نین ستاد مدیرلری خواجه‌خضر مسجیدینده قورولان تبریز بلدیه سی‌نین جنت‌الحسین موکبینده حاضر اولوب، بو موکبین سردار حاج قاسم سلیمانی‌نین بئشینجی ایل دونومونده زیارتچیلره گوستردیگی خیدماتلره گوره تقدیر ائتدی.
او، سردار حاج قاسم سلیمانی‌نین بئشینجی ایل دونومونده زیارتچی‌نین چوخ اولماسینا ایشاره ائدیب، جنت‌الحسین موکبینین زیارتچیلره گوستردیگی خیدمتلردن راضی قالدیغینی و بونو حاج قاسیمه سئوگینین و اویونون بیر نشانی بیلدیردی.
تویسرکانی، گلجک ایللرده ده کرماندا تبریز بلدیه سی‌نین جنت‌الحسین موکبینین اولماسینی و اونلارین سردار دللر حاج قاسم سلیمانی‌نین آنیم یولوندا اولان مراسملرده زیارتچیلره خیدمات گوسترمه‌سینی آرزو ائتدی.
تبریز بلدیه سینین‌نین ارتباطات و بین‌الخالق ایشلر باش ایداره‌سی‌نین معاونی و جنت‌الحسین موکبینین امین هیئتی‌نین عضوی یوسف نوروزی ده بو زیارتده موکبده گوستریلن خیدماتلر حاقیندا ایضاح وئردی و دئدی: ۲۰ نفر تبریز بلدیه سی‌نین جنت‌الحسین موکبی خادیمی ۶ گوندن بئری بو موکبده یئرلشیب و گونده اورتا حسابلا ۱۲۰۰ نفر زیارتچی و سردار شهید حاج قاسم سلیمانی‌نین بئشینجی ایل دونومونده اولانلارا ایستی یئمک پایلاماقدادیر.
نظرات