شهریار خبر سایتینین وئردییی معلوماتا گوره، یعقوب هوشیار تبریز بلدیه رئیسی و پرویز هادی شهر شوراسی عضوی، جوما گونو، شهرین جنوب غربینده ایشلَنیلن عمرانی، ورزش و یاشیل ساحه پروژه‌لرینی گزدیلر.
کوجووار ایدمان سالونو گزه‌رک، هوشیار آز توسعه تاپمیش بولگه‌لرده ایدمان امکاناتینین اهمیتینی قید ائدیب دئدی: «بو بولگه‌لرده ایدمان اساسلارینین اینشا ائدیلمه‌سی، نه تنها همشهری لرین جسمانی ساغلاملیغینا کومک ائدیر، بلکه اجتماعی روحیه و بیرلیکده اولماغا دا سبب اولار.»
هوشیار علاوه ائله‌دی: «حاضیردا جامعه‌میزده جسمانی فعالیتلر آزالیب، بئله پروژه‌لری داها چووخ اهمیت وئرمک لازیمدیر.»
او داوام ائتدی: «بو ورزش سالونو ۱۳۵۴ متر مربع ساحه‌یه مالیک اولوب، ۲۱ میلیارد تومن بودجه ایله سون مرحله‌لرده تاماملانماق‌دادی.»
سونرا تبریز بلدیه رئیسی، کوجووار محله پارکینی گزدی و بو پروژه حاقّیندا دئدی: «پارک‌لار، همشهری ارین حیات کیفیتینی ارتقا ائتدیرمکده اساسی رول اوینایان، اویون، ایستیراحت و اجتماعی تعاملات اوچون بیر مکان کیمی اهمیت داشییر. بو پارک ۱۰۰۰ متر مربع ساحه‌یه مالیک اولوب، سون اینشا مرحله‌لرینده‌دیر و یاخین زاماندا حاضر اولاجاق».
یعقوب هوشیار خلجان محله‌سی پروژه‌لرینی گزه‌رک ده آرتیردی : ورزش اساسلارینین اینشا ائدیلمه‌سی و یاشیل ساحه‌لرین سایی‌نین آرتیرماسی اوچون، خلجان محله‌سینده چوخلو پروژه‌لر داوام ائدیلیر.»
بلدیه رئیسینین گزدیگی باشقا پروژه‌لردن بیری ده ۱۵۰۰ متر مربع ساحه‌سی و ۲۰ میلیارد ریال بودجه‌سی ایله تاماملانماق‌دا اولان خلجان محله پارکی ایدی.
بو گزمه‌نین سونوندا یعقوب هوشیار ، بلدیه نین نین گله‌جک پروژه لرینه ایشاره ائدیب دئدی: «بو ایل ایدمان اساسلارینین اینشا ائدیلمه‌سی و محله پارک‌لاری‌نین قورولماسی اوچون چوخ سایلی ایشلریمیز وار. تبریز بلدیه سینین اساس مقصدی بو ایل شهرین هر یئرینده، خصوصا آز توسعه تاپمیش بولگه‌لرده، بوتون وطنداشلارین بو امکاناتلاردان فایدالانماسی اوچون ۲۵ یئنی ورزش سالونو اینشا ائتمک‌دیر. بونونلا یاناشی، ۶۰۰ هکتار یاشیل ساحه‌نین اینشاسی اوچون، شهرین مختلف نقطه‌لرینده پارک و یاشیل ساحه‌لرین قورولماسی دا نظرده آلینیب دیر.»
نظرات