شهریار سایتینین خبرینه گوره، حجت‌الاسلام سید کاظم زعفرانچی‌لر ،دکتر مبین مدنیت ساراییندا کتاب و کتاب اوخوما ساحه‌سینده فعالیت گوسترنلرین تقدیر اولونما مراسیمینده دئدی: هر بیر اثرلی حرکتین جامعه‌ده اوشاق‌لاردان باشلاماسی گئرکلی ضروی دیر
زعفرانچی لر دئدی: اوشاق دوستو شهرینی حیاتا کئچیرمک اوچون دکتر مبین مدنیت ساراییندا اوزل اوشاق سینماسی آچیلیب . او علاوه ائتدی کی، اوشاق سینماسی‌نین محیطی اوشاقلارین دونیاسی معیارلاری اساسیندا شکل‌لندیریلیب و اوشاق فیلملری‌نین ان سون سس و تصویر سیستم‌لری ایله گوستریلمه‌سی اوشاقلار و آتا آنالاری اوچون بو محیطده یاخشی و اونودولماز خاطیره‌لر یارادیر.
تبریز شهر شوراسی‌نین عضوی سوزلرینین داوامیندا بئله دئدی: گله‌جک نسلیمیز اولان اوشاقلارین مهم رولونو نظره آلاراق، اوشاقلارین اویون، شادلیق و تحصیل اوچون مناسب محیط یاراتماق، اونلارین گله‌جکده بویومه‌سی و اینکیشافی اوچون سرمایه‌یاتیرماقدا مهم رول اویناییر.
او اوشاقلارا مخصوص اولان سینمانین، سینما صنعتینده اهمیتلی و چوخ ایستیفاده اولونان بولوملریندن بیری اولدوغونو قئید ائدرک دئدی: همین اساسدا ۲۵۰ نفرلیق سیغیمی (گنجایش) اولان اوچونجو بولگه‌ده کی اوزل اوشاق سینماسی، مدنی آلت تیکینتی لرین (زیرساخت های فرهنگی) اینکیشافی‌نین ان مهم و تاثیرلی ایشلریندن بیری حساب اولونور.
نظرات