یعقوب هوشیار دی آینین ۲۹ گونونو غزه گونونو قید ائدرک، تبریزین هر زمان بو قارداش شهر ایله همرای‌لیق و یولداشلیق ائتمه‌سینی بیلدیریب.
هوشیار اوز مکتوبوندا بئله دئییب: "۲۰۲۴-جو ایلین اوکتبر آیینین ۷-دن بو گونه قدر غزه، دونیا مستکبرلری‌نین غیزاینسانی جینایتلرینه باخمایاراق، دونیا گوزونده و تاریخ صحنه‌سینده اوزونو پارلاق بیر شکیلده گوستردی."
او اوز مکتوبوندا غزه خالقی‌نین قهرمانلیغی و شجاعتیندن دانیشاراق، بو خالقی تاریخی‌نین مقاومت نمونه‌سی آدلاندیریب و تبریز و ایرانین دیگر بولگه‌لری‌نین بو ایسلام عالمی‌نین مقاومت سمبولونا دَستَک اولدوغونو بیلدیریب.
تبریز بلدیه رئیسی اوز مکتوبونون باشقا بیر بولومونده، ایرانین ۲۰۰۹-جو ایلدن بری ۱۸ ژانویه (۲۹ دی) گونونو "فلسطینین مقاومت سیمبلی اولان غزه" گونو آدلاندیردیغینی و بئله مقاومت ایده‌اللارینا قلبدن ایناندیغینی وورغولاییب. تبریز بیر قارداش شهر اولاراق، ایکی شهر آراسینداکی مدنیت و اجتماعی علاقه‌لری گوجلندیرمک اوچون، غزه نین سسینی دونیایا ائشیتدیرمک اوچون لازم اولان ایش بیرلیگی ائتمه‌یه حاضیردیر.
یعقوب هوشیار غزه خالقی‌نین مقاومت و دویوش‌ده دیک دورماسی و اوندان اونجه‌کی ایللرده اونا قارشی ائدیلن ظولملره گوره همدردلیک ائدیب و صهیونسیت رژیمینه قارشی قازاندیغی ظفَره گوره تبریک دیله‌ییب و بو شهرین خالقی اوچون موفقیت و زَفَرین داواملی اولماسینی آرزولاییب.
نظرات