شهریار سایتینین خبرینه گوره، حجت‌الاسلام والمسلمین رسول برگی دئییر: اگَر تبریز و آذربایجانین مدنیتین ایرانین عمومی مدنیتیندن آیریلساق، اولکه‌نین مدنیت کیمی بیر هویتی اولماز. تبریز و آذربایجان، اسلامی و ایرانلی مدنیتینین یارانماسی و اینکیشافی اوچون چوخ اونملی بیر رول اویناییبلار.
او، داها سونرا تبریزین مختلف ساحه‌لرده علمی موقعیّتینه ایشاره ائدیب دئدی: تبریز، مدنیت و اینجه صنعت موفقیتلری آیدین دیر. بو شهرین اوچ بویوک عالیمی، میلّی افتخارلاریمیز کیمی دونیا شهرتی قازانیبلار و بو دا تبریزین علمی موقعیّتینی چوخ گوستریر.
برگی علاوه ائتدی: استاد شهریار کیمی بویوک شخصیتلرین و اونون "حیدربابا" کیمی ابدی اثرینین، دونیانین مختلف دیللرینه ترجمه اولونماسی، بو بولگه‌نینمدنیتینین دیری و فعال اولدوغونون بیر ایشاره‌سی‌دیر.
او، تبریزین تاریخی و مدنیت ظرفیتلرینه ایشاره ائدیب علاوه ائتدی: تبریزین تاریخی بازاری، یوزلرله شاعر و عارفین مقبره‌سی اولان مقبره‌الشعرا، تبریز قالاسی، تاریخی ساعت ائوی و باشقا ده‌ها ده‌یَرلی بینالار، بو شهرین تاریخی و مدنیت هویتینی گوستریر.
برگی اوز سوزلرینین باشقا بیر بولومونده دئدی: آذربایجانین ال ایشلری، اورنک اوچون تبریزین ال توخوما خالچاسی، ملیله ، ساخسی و گوموش ایشلری، میلّی و بین‌الخالق سَوییه‌ده تانینیر و تعریف اولونور.
تبریز اسلامی شوراسینین عضوو دئدی: تبریز صنعت و سرمایه یاتیرتماق اوجون ابدی بیر جنت‌دیر. بو شهر، توریستلر و صنعت سئورلر اوچون دئییل، بلکه مدنیت و تاریخ ساحه‌لرینده فعالیت گوسترن سرمایه‌صاحیب لری اوچون دا، نظیرسیز شرایط یارادیب.
تبریز شهر شورایی‌نین عضوی، توریزم صنعتینین اهمیتینه ایشاره ائدیب آرتیردی: توریست و سرمایه صاحیب لرینی جلب ائتمکده اوغور قازانماق، تبریزی اولکه‌نین باشقا شهرلری اوچون بیر نومونه‌یه چئویره بیلر.
او دئدی: تهران‌دا تبریزین مدنیت هفته‌سی، بو شهرین صنعت، تاریخی و مدنیت ظرفیتلرینی پایتخت و دونیایا تانیتماق اوچون قیزیل بیر فرصتدیر.
تهران‌دا تبریزین مدنیت هفته‌سی ۲۲-۲۹ بهمن آیی‌ندا تشکیل اولوناجاق.
نظرات