شهریار سایتینین خبرینه گوره، تبریز شهر شوراسی‌نین عضولری، ۲۳۶-جی نوبه‌دن‌خاریج ایجلاسیندا، تبریز شهرینین ۱۴۰۴-جو ایل یئرلی عوارض دفتری‌نین تصویبی ایله عئینی زاماندا، ائو تیکن شرکت لر اوچون اوزل تسهیلات وئریلمه‌سینی قبول ائتدیلر.
بو مصوبه‌یه اساساً، شهر قورولوشو قانون و قایدالارینا اویغون اولاراق، لاپ آزی ایگیرمی مسکونی مجموعه قورماق اوچون اجازه‌نامه آلان تیکینتیچی‌لر، تیکینتی مجوزی عوارضینیده ۱۰% تخفیف‌دن فایدالاناجاقلار.
بو مصوبه، ائو تیکن شرکت لر اوچون دَیَرلی بیر ایمکاندیر کی، تیکینتی خرجلرینی آزالتماقلا، شهرین اینکیشافیندا داها چوخ ایشتیراک ائده‌بیلسینلر.
تبریز بلدیه‌سی، مسکن ساحه‌سینده سرمایه‌قویماق اوچون هووسلندیرمک و همشهری لرین مسکونی مجتمع لره اولان احتیاجلارینی تامین ائتمک مقصدی ایله، بو تسهیلاتلاری، شهرین اینکیشاف سییاستلری و همشهری لرین یاشاییش کیفییتینی یاخشیلاشدیرماق چرچیوه‌سینده ایجرا ائدیر.
بو اقدام، تبریز بلدیه‌سی‌نین مسکن ساحه‌سی‌نین فعاللاری و دایانیقلی شهر اینکیشافی ایله امکداشلیق جهتینده آتیلان بیر آدیمدیر
نظرات