شهریار خبر سایتینین معلوماتینا گوره، یعقوب هوشیار، تبریز شهر شوراسی‌نین ایکی یوز اوتوز دوققوزونجو فوق‌العاده جلسه‌سینده، گلن ایلین بودجه‌سی اوچون قیرخ بش مین میلیارد تومن گوزلنتی‌میز اولدوغونو بیلدیریب.
بلدیه رئیسی دئییب: شهر مدیریتی ایشلرینی آسانلاشدیرماق اوچون، ۱۴۰۴-جو ایل اوچون قیرخ مین میلیار تومن بودجه لاییحه‌سینی تبریز شهر شوراسینا تقدیم ائتدیک کی، گوزلنتی‌یه گوره، گلن ایلده جاری خرجلرین عمران خرجلرینه نیسبتی، ۲۰ %- ۸۰ % اولاجاق.
او، بلدیه‌نین گلن ایلین بودجه‌سینی تبریز شهر شوراسینا تقدیم ائدرکن، گلن ایلین بودجه لایحه‌سی‌نین رقم جهتیندن تهران، اصفهان و مشهد شهرلریندن سونرا اولکه‌ده دوردونجو یئرده اولدوغونو قید ائدیب: بیزیم گوزلنتی‌میز بودور کی، شهرداری‌نین بودجه‌سی گلن ایلده یوزده یوز تحقق تاپسین.
تبریز بلدیه رئیسی، گلن ایلده ۹۴۵ شهر عمران پروژه‌سی‌نین ایشلنمه سیندن و هابئله قیرخ مین میلیار تومن بودجه ایله تبریزده عمران و خیدمت ساحه‌لرینده دَییشیکلیک و تحول هدفله‌نمه‌سیندن خبر وئریب.
نظرات