شهریار سایتینین خبرینه گوره، محبوب عبدالله‌پور بو گون سحر تبریز شهر شوراسی‌نین آچیق جلسه‌سینده دئدی: بی‌آرتی یولوندا ترافیک دوربون لری قوراشدیریلماسی ایله بو یولدا سوروجولوک تخلفلری گونده ۷۵۰ دن ۲۵۰ یه، یعنی اوچده بیره آزالیب.
او آرتیردی: چوخ تاسفله گونده ۱۵۰۰ ماشین قانون سوز شکیلده بی‌آرتی یولونا گیریب و پلیس طرفیندن جریمه اولونور.
او، کرونا زامانی تبریزده ۱۰۰ اتوبوسون فعال اولدوغونو بیلدیره‌رک، قئید ائتدی: حاضیردا تبریزین اتوبوس خط‌لرینده ۳۴۰ شهر اتوبوسو فعالدیر.
او داوام ائتدی: هر گون ۸۵۰ مین ماشین دا شهر ایچینده گئت گل ائدیر کی بو دا اوز نووبه‌سینده ترافیکین شدتله‌نمه‌سینده تاثیرلی رول اویناییر.
عبدالله‌پور شهر ترافیکینده ۲۵ دوولت اورگانی‌نین دخیل اولدوغونا ایشاره ائده‌رک، بیلدیردی: دوولت شهرلرین ترافیکینی ایداره ائتمه‌ده یاردیم ائتمه‌لی و اوز رولونو ایفا ائتمه‌لیدیر.
او، دانیشیغینین باشقا بیر حیسه‌سینده شهر ایچینده یئرلشدیریلمیش تیکینتی مصالحینه توخوناراق، دئدی: پلیس راهور ایله امکداشلیق ائده‌رک، کوچه لره قویولان تیکینتی مصالحی‌نین ییغیشدیریلمه یینین ضرورتینی خیدمت بهاسی تیکینتی پروانه‌سینده نظره آلیناجاقدیر.
تبریز بلدیه‌سی‌نین نقلیات شبکه‌سی‌نین مهندیس‌لیک و ایداره‌چی‌لیک تشکیلاتی‌نین مدیری همچینین قانونا عمل ائتمه دیگی اوچون ۱۲ شهر پارکینگی‌نین اجازه سینین لغو ائدیلدیگینی بیلدیردی و دئدی: شهر پارکینگلری ایداره‌سی سیستملشدیریلمیش اولمالیدیر.
نظرات