شهریار خبر سایتی / احد نقش‌شور: یوز دیلده و مین لهجه‌ده تعریف ائتسه‌لر ده، "تبریز" هر تعریفدن یوکسکدیر، "راحت و چتین" جوغرافییاسی، باره‌سینده دانیشماق تفککور و دوشونجه‌نی دوشونجه‌یهچَکیر کی، تاریخینین سطیرلرینی باشقا بیر گوروشله مرور ائدسن و سونرا تذکره‌لرین هر ورقینده اوندان تعریف آختاراسان کی، نه‌اینکی منفععتچیلری و بویودولنلری؛ بلکه ، سیاحلاری و نظارتچیلری اونو یاخشی و تام تعریف ائدیبلر.
"تبریز" فقط ایرانین جوغرافییاسی و دونیانین اطلسینده بیر آددیر کی، ساده‌جه اونا بیر نظر سالیب و ساده‌جه یانیندان کئچه‌ک. تبریز، ایرانین و دونیانین تاریخی گئنیشلیگینده بویوک بیر فضادی، شهر کی تذکره‌لرین، سفرنامه‌لرین، خاطیره‌لرین و بوتون جهانگردلرین، سییاحلارین و تاریخچیلرین فصلی‌دیر؛ ایران تاریخینی تبریزسیز و انسان‌سیز مرور ائتمک، ناقص و یاریمچیق ایش ساییلیر.
ایندی، تبریزین و آذربایجانین مدنیت، صنعت، ادبیات اهالیسی ، "تهراندا تبریز مدنیت هفته‌سی" آدلی بیر تدبیرده باشقا بیر رول اویناماغا حاضیرلاشیرلار. بو تدبیر، ایران ایسلام تاریخینده و بو اونجه‌دن گئدن و جریان یارادان بولگه‌نین پارلاق عصرلرینده تبریزین تاریخی، مدنی، صنعتی، دینی و میلّی مووقعیینی، شانی و کیملییینی تانیتدیرماق، یئنیدن تعریف ائتمک و تانیتماغی هدفله‌ییبدیر.
تبریزین و آذربایجانین مدنی و صنعتی سفیرلری‌نین ایران و دونیا ایله گوروش یئری، بو تکجه تدبیرده "تبریز"ین حیکایه‌سی دیر. بیر شهر کی، ایرانین میلّی آزادلیغی و ظولمه قارشی دوروشونون گووده‌سی، دین، فلسفه و عرفان اولکه‌سی، ایران شیعه مذهبنین ایلک پایتختی، تاریخین ایچینده اوزانان مدنیت و صنعت خطی، اقتصادیات، صنعت، تجارت و تولید قوطبو، وطن‌نین پایدارلیغی و موحکملیگینه دستک، مشروطه صدریندن ایسلام انقلابینا، مقدس مدافعه دووروندن سازنده‌لیک عصرینه قدر، تجاوزه حسرت قالان دوشمنلره دار و اولوملو بیر حیسار (قلعه. تزاری روسیه و عثمانلی کیمی تجاووزکارلارا قارشی اوزون بیر دمیر قاپیسی، مشروطه شهری و ستارخان و باقرخان کیمی جسور اینسانلاری و ثقهالاسلام و خیابانی شهیدلرینی، امینی، طباطبایی و جعفری کیمی عالیم‌لری، ایلک لرین دوغولدوغو شهر، موزه لر شهری و قدیم و تاریخی ائولر، شهریار، پروین، شمس، قطران، صائب و همام کیمی شاعرلرین، عارفلرین و ادیبلرین یئری، مقدس مدافعه قهرمانلاری‌نین، باکریلر، شفیع‌زاده، تجلایی، یاغچیان، کسایی، فکوری، باقری کیمی و وطن دفاعی یولوندا اوز قانلارینا باتان ۴۸۰۰ شهیدین تورپاقی، دوشونجه، تفککور، استعداد و مدرن بیلیک مرکزی و بیر کلمه ایله انقلابین عالی رهبری‌نین سوزونه گوره "ایرانین باشی" و "ایرانین آزادلیق بایراغی".
"تبریز" بئله زنگین و مودافیعه ائدیله بیلن تاریخ و مووقعییته آرخالاناراق، اسلامی ایرانین آلنیندا پارلاق بیر نیگار کیمی اوزونو گوستریر و مدنیت هفته‌سی ایله یئنیدن آدینی اولکه‌نین اینکیشافی و ایره‌لی‌یه گئتمه‌سی تاریخینه یازاجاق. "تبریز" - تبریزدی، اونونده و آرخاسیندا هئچ بیر اک و علاوه یه احتیاجی یوخدور کی، تانیتدیرماق اوچون اونا موراجیعت ائده‌ک. ایران تاریخینده اونملی رول اوینایان بیر شهر، ایران، ایسلام و البته شیعه‌لییه یاپیشدیریلمیش قیزیل یارپاق کیمی. شوبهه‌سیز کی، "تبریز"ده، "تاریخ"ده قدم وورمالی و تاریخی بویونجا و بوتون غرور و ایفتیخارین ایله بیرلیکده وطنه علاقه نغمه سی اوخومالی‌سان؛ چونکی تبریز تاریخین آغیر رطلی (پایی)دیر
نظرات