شهریار سایتینین خبرینه گوره، یعقوب هوشیار تبریزین مدنیت هفته سی برنامهل رینین آچیلیش مراسیمینده شعبان آیینین مبارکلیگی و فجر بایرامی مراسیمینده چیخیش ائدیب. او، تهراندا بلدیه سینده خیدمت ائتدیگی زامان هئچ بیر زامان غریبلیک حسسی گورمه دیینی، چونکی آذربایجانلیلارین و تورک دیلینده دانیشانلارین اونا بویوک محبت گوستردیگینی بیلدیریب.
هوشیار بئله دوام ائدیب:تهران دا کئچریریلن تبریز مدینیت هفته سی، تبریز بلدیه سیننین همکارلارینین چالیشماسی و بو شهرده کی موختلیف صنعتکارلارین فعال ایشتیراکی ایله یاناشی، تهران بلدیه سینین ایش بیرلیگی نتیجه سی دیر.
تبریز بلدیه رئیسی قئید ائدیب : تبریز اوز تاریخی ایله شرفلی و عظمتلی بیر شهردیر. ایران، بیر آل فرش کیمی دیر کی، هئچ بیر رنگی اوندان آیریلماز و بوتون رنگلر ایرانین زمینینده اوز گوزللیکلرینی گوستریرلر.
یعقوب هوشیار تبریزین دیلنچی اولماماسینی، تبریزده کی خیریه تشکیلاتلارینین، خوصوصیله مستمندلر هیئتینین بویوک خیریه لرینین نتیجه سی اولدوغونو بیلدیریب . او، معنوی دَیَرلرین بیر حیصّه‌سینین، اونلارین صنایع ال ایشلری، آدلیم خیریه لر، تبریزین خالچا و خالی صنعتی، کیف و باشماق صنعتلری کیمی سرگی ده پایتخت ده یاشایان وطنداشلارین گوزونون قاباغیندا دۇرولدوغونو بیلدیریب.
هوشیار بلدیه لرین خدماتی مجموعه‌لریندن اجتماعی فعالیتلره دوغرو دییشن گوروشونون مثبت بیر حادیثه اولدوغونو بیلدیریب.
تبریز بلدیه رئیسی دئییب: تبریز بلدیه سی اۆچ ایلدیر کی، بودجه سینده مدنی-اجتماعی موضوع لارا گئنیش یئر آییریب. بو، بلدیه اداره سینین مدنی و اجتماعی ساحه لره دیقتینی گوستریر.
تبریز بلدیه رئیسی مدنی مرجع قروپلارینین بلدیه لردن اولان ایسته‌کلرینین مدنی وضعیتین یوکسلمه سینه سبب اولدوغونو بیلدیردی. او، بلدیه لرین مدنی مرجع قروپلاری ایله همکاریلارا حاضر اولدوغونو و بو قروپلارین سیاستلرینی قبول ائتدیگینی ده بیلدیردی.
نظرات