او آرتیردی: اینجه صنعت، موسیقی و مدنی عنصرلر، خالقلارین اورتاق دیلی و هر جامعه نین دویغو و هویتینین ایفاده‌چیسیدیر و مدنیت، یالنیز بیرلیک عامیلی دئییل، بلکه تجارت و ایقتیصادین اینکیشافی‌نین دا قیمتلی بیر دایاناجاغیدیر.
سرمست، آذربایجانین تاریخی و مدنی یئرینی میللی وفاقین نمادی اولاراق قئید ائده‌رک، خاطرلشدیردی: «دیگر استانلار و منطقه‌نین اولکه‌لری ایله مدنی مبادله‌دن، دیپلماسینین گوجلندیریلمه‌سی و توریزمین اینکیشافی‌نا قدر، استانین راهبردی هدفلری‌ندن‌دیر و بو مهمی جدیتله دنبال ائده‌جی‌ییک.»
او سوندا، تبریزین مدنیت هفته‌سینین کئچیریلمه‌سینی، بو تاریخی شهرین ظرفیتلرینی میللی و بین‌المللی سطحده تانیتماق اوچون قیمتلی بیر فرصت اولاراق قئید ائده‌رک، فرهنگی و ایقتیصادی علاقه لرین اینکیشافی اوچون بونون کیمی رویدادلارین داوام ائتدیریلمه‌سینه اوستونلوک وئردی.
تبریزین مدنیت هفته‌سی، تهراندا ۲۲- ۲۹ بهمن ده تبریزین مدنی، اینجه صنعت و ایقتیصادی ظرفیتلرینی پایتخته تانیتماق مقصدی‌له کئچیریلدی. بو حادثه، تبریزین اینجه صنعت اثرلری و ال صنعتلری‌ندن سرگی لر، تهرانین دیالوگ و لاله پارکلاریندا قورولدو و ایرانین هنرمندلر ائوینده و میلاد بورجونون ییغینجاقلار مرکزینده تبریزله باغلی فیلملرین گوستریشی، آذربایجانین کلاسیک موسیقیسینین اجراسی، شعر گئجه‌لری و تخصصی جلسه‌لر کیمی چوخ‌سایلی مدنی برنامه‌لر کئچیریلدی. بو مدنی هفته، تبریزی اولکه‌نین مدنی و تاریخی قطب‌لری‌ندن بیری اولاراق تانیتماق و مدنی و ایقتیصادی علاقه لرین اینکیشافی اوچون بیر آدیم اولاراق خیدمت ائتدی
نظرات