تبریز بلدیه‌سینین منظره و یاشیلیق تشکیلاتینین مودور سیامک آسیایی، آغاج اکمه هفته‌سی ایله برابر "یاشیل ائو" لاییحه‌سینین اجراسینین باشلاناجاغینی بیلدیردی.
شهریارین سایتینین خبرینه گوره، سیامک آسیایی، یاز فصلینه حاضیرلیق چرچیوه سینده منظره و یاشیلیق ساحه‌سینده داوام ائدن پروژه لره استناد ائده‌رک دئدی: "یاز فصلینه حاضرلیق پروژه لرینده ان مهم مقام‌لاردان بیری، یئنی ایله یاخین گونلرده "یاشیل ائو" لاییحه‌سینین اجراسی و ائولرین حیاط‌لاریندا، یاشاییش مجتمع لرینین اراضی‌لرینده، هابئله دوولت تشکیلات‌لارینین و اداره‌لرینین اراضی‌لرینده آغاج اکیلمه‌سیدیر."
او، بو موناسیبت‌له، منظره و یاشیلیق تشکیلاتیندا "یاشیل ائو" آدی آلتدا پولسوز فیدان اکیمی اوچون ثبت سیستمینین اجراسینی ائدیلدیگینی بیلدیردی. آغاج ایسته ین شخص لر تشکیلاتین parks.tabriz.ir سایتینا داخیل اوْلاراق ایست‌دیکلری نوْع آغاجلاری سئچیب و سفارش لرینی ثبت ائده بیلرلر.
آسیایی، "یاشیل ائو" پروژه سینین اجراسینا اسفند آیینین ۱۵ دن، طبیعی ثروت لر و آغاج‌اکمه هفته‌سینین باشلانغیجی ایله برابر باشلانیلاجاغینی دئدی.
تبریز بئله‌دییه‌سینین منظره و یاشیلیق تشکیلاتینین مودورو، "یاشیل ائو" پروژه سینین یالنیز منظره و یاشیلیق تشکیلاتینین عملیات قروپ‌لاری طرفیندن فیدان اکیمینی احاطه ائتدیگینی و تبریز بئله‌دییه‌سی طرفیندن هئچ بیر فیدان پایلانمایاجاغینی دئدی.
آسیایی، ائولرین حیط‌لرینده، یاشاییش مجتمع لری و اداره‌لرینین اراضی‌لرینده اکیله جک آغاج لارین گیله نار، آلچا، آلما، اریک، آلی و گیلاس نوْع‌لریندن اوْلاجاغینی بیلدیردی.
نظرات