شهریارین خبرینه گوره، سامان احمدزاده بو خبری شرح ائده‌رک دئدی: "بو معاونت‌ین بو ایل‌کی بودجه‌سی ۳۴۶۶ میلیارد تومن دیر کی، ۱۷۶۱ میلیارد تومن آرتیملا گله‌جک ایلده ۵۲۲۷ میلیارد تومنه چاتمیشدیر. "
اوْ، بونو دا علاوه ائتدی: "فنی و عمرانی معاونت‌ینین بودجه‌سی، آز درجه‌لی منطقه‌لرین و تشکیلات‌لارین عمرانی پروژه‌لرینه کومک اولاراق آیریلدی. "
احمدزاده بو مسله‌لره استناد ائده‌رک بیلدیردی: "اسد گولو پروژه‌سینین تیکینتیسی، گنجلر شهرک‌ینین تیکینتیسی و صاحب‌الامر منطقه‌سینده‌کی دوکان‌لارین ساتیب آلینماسی، عمرانی معاونت‌ینین گله‌جک ایل بودجه‌سینده یئر آلان طرح‌لردن بیر بخش‌یدیر. "
تبریز بلدیه‌رئیسی‌نین فنی و عمرانی معاونی داوام ائده‌رک دئدی: "عمرانی پروژه‌لری‌له باغلی استراتژیک تدقیقات‌لارین اهمیّتی‌نی نظره آلاراق، بو مقصد اوچون ۳۰ میلیارد تومن ده بودجه آیریلدی.
نظرات