شهریار سایتینین خبرینه گوره، یعقوب هوشیار گله‌جک ایل بودجه‌سینین اولویتلرینی شرح‌ائتمکله، بو ایل بلدیه‌نین ۳۰ مین میلیارد تومنلیک بودجه‌سینین ۱۰۰ یوز تحقق تاپدیغینی بیلدیردی و دئدی: "۱۴۰۴-جو ایل بودجه‌سینین ان اهمّیتلی محوری، عمومی نقلیاتین توسعه سیدیر کی، بودجه‌نین ۴۵%ینی تشکیل ائدیر."
هوشیار، نقلیات و ترافیک ساحه‌سینده ۱۸ مین میلیارد تومان بودجه آیریلدیغینی بیلدیردی و دئدی: "عمومی نقلیات ناوگانینین اینکیشافی، پارکینگ‌لرین تیکینتیسی، یول آچما طرح‌لرینین حیاتا کئچیریلمه‌سی، پیاده‌یوللار، تقاطع‌لری و نظارتی و تصویری سیستم‌لرین اینکیشافی، عمومی نقلیات ساحه‌سینده اجرا اولوناجاق آیتم‌لردن دیر."
یعقوب هوشیار بوندان علاوه اولاراق دئدی: "شهر تیکینتیسی ساحه‌سینده، شهر فضاّلارینین یئنیدن حیاتا کئیریلمه‌سی و شهرسازی طرح‌لرینین اجراسی اۆچون گله‌جک ایل بودجه‌سینه ۴ مین میلیارد تومان آیریلدی."
هوشیار، یاشیل فضاّلارین اینکیشافی و قورونماسینی گله‌جک ایل بودجه‌سینین اولویتلریندن بیری اولاراق قئید ائدیب، دئدی: "یاشاییش محیطی و شهری خیدمت‌لر ساحه‌سینده، یاشیل فضاّلارین اینکیشافی و قورونماسی، قبرستان‌لارین توسعه سی و قورونماسی، زیبیللرین ایداره‌سی، شهری تاسیساتلارین اینکیشافی و قورونماسی، یاشاییش محیطی و عمومی سلامت، مشاغلین تنظیم لنمه‌سی و شهری سولارینین ایداره‌سی اۆچون ۸ مین میلیارد تومان بودجه آیریلدی."
هوشیار، ایمنی و بحران ایداره‌سی ساحه‌سینده گله‌جک ایل اۆچون آیریلان بودجه‌نین ۱ مین میلیارد تومن اولدوغونو بیلدیردی و دئدی: "بو ساحه‌ده شهرین ایمنی و خطرلرین آزالدیلماسی، اود سوندورمه و غیرعامل مودافیعه سیستم‌لرینین گوجلندیریلمه‌سی و شهرین تابلاشماسی (تاب آوری) کیمی برنامه‌لر واردیر."
تبریز بلدیه رئیسی، دئدی: "ایداره خیدمت‌لری ساحه‌سینده، الکترونیک بلدیه‌نین اینکیشافی و یئنی‌تیکینتی آلت تیکینتی لری، عملی تحصیل و آراشدیرما، اداری اینکیشاف و عملکرد ایداره‌سی و دائمی گلیرلرین توسعه سی اۆچون ۶ مین میلیارد تومن بودجه آیریلدی."
هوشیار، گله‌جک ایلین مدنی و اجتماعی بودجه‌سینی ۳ مین میلیارد تومان اولاراق بیلدیردی و بودجه‌نین تدوینی و تنظیمینده محوری برنامه‌لردن ایستیفاده‌ائتمه‌نین اهمّیتینی قئید ائدیب، دئدی: "۱۴۰۴-جو ایل اۆچون ایران اسلامی جومهوریتینین چشم‌انداز سندی، یئددینجی اینکیشاف برنامه‌سی قانونو، دوولتین عمومی سیاست‌لری، اولکه‌نین بودجه بخشنامه‌سی، داخیلی ایشلر وزارتینین بودجه دستورالعمل‌لری، تبریز بلدیه‌سینین ۱۲ ایللیک اون گورولن برنامه لری، تبریز بلدیه‌سینین ایکینجی بئش ایللیک برنامه‌سی و شهر شوراسینین سیاست‌لری، ۱۴۰۴-جو ایل بودجه‌سینین تدوینی و تنظیمینده نظره‌آلینمیشدیر."
تبریز بلدیه‌سی، تبریزین آسیا اولکه‌لرینین یاشاییش محیطی پایتختی اولاراق سئچیلمه‌سینه اشاره‌ائتمکله، دئدی: "یاشاییش محیطی مسله‌لرینه خاص دیقت، گله‌جک ایل بودجه‌سینین اساس یاناشمالاریندان بیریدیر."
تبریز بلدیه‌سینین ۴۰ مین میلیارد تومن لیک بودجه لایحه‌سی، بو ایلین بهمن آیینین ۱۰-دا اسلامی شهر شوراسینا تقدیم اولوندو و شورا عضولری و بلدیه مدیرلرینین ایشتیراکی‌ایله گونلوک جلسه‌لر کئچیریله‌رک بحث‌ایدیلدی و نهایت‌ده بوگون، ۷ اسفند آیی پارلمان شهری جلسه‌سینده تصویب اولوندو.
نظرات