شهریار سایتینین خبرینه گوره، سیامک آسیایی بو تشکیلاتین تالاریندا کئچیریلن هرس تعلیمی کلاسلارینین حاشیه‌سینده دئدی: "هرس، یاشیل فضا شهری آیتم‌لرینین ان فنی و اهمّیتلی حیصّه‌لریندن بیریدیر. دوغرو هرس ائدیلمه‌سی، آغاجلارین طراوت لی اولماسیندان علاوه، آفت و خسته‌لیکلرین کنترول‌ائدیلمه‌سی و آغاجلارین عمورونون اوزون اولماسیندا موثر رول اویناییر."
آسیایی، هرس و فورم‌لندیرمه عملیاتلارینین باشقا فایدالارینی دا قئید ائده‌رک، دئدی: "بو عملیاتلار، سو و توپراق منبعلرینین و گونش ایشیغینین موثّر ایستیفاده‌سینه ایمکان یارادیر. بو سایه ده ده، بیتکی نووعلری یئرآلتی منبعلر و گونش ایشیغیندان آسانلیقلا ایستیفاده ائده‌بیلر."
او، بو موضوع دا متخصصلر، ناظیرلر و هرس عملیاتی اکیپ‌لری اۆچون لازیملی تئوری و عملی تعلیملرین وئریلمه‌سینین اهمّیتینی وورغولادی و بو تشکیلاتین تالاریندا کئچیریلن دوره‌لرین بو مقصدله تشکیل اولوندوغونو بیلدیردی.
تبریز بلدیه‌سینین سیما، منظر و یاشیل فضا تشکیلاتینین مدیرعاملی، گئنیش هرس فصلینین باشلانماسی آرخاسیندا، وئریلن تعلیملرین قیش و بهار هرس عملیاتلارینین دها یاخشی حیاتا کئچیریلمه‌سینده موثر اولاجاغینا اومید بیلدیردی. آسیایی دئدی: "بو تعلیملر، شهریمیزده آفتلرین زامانیندا کنترول‌ائیلمه‌سی و آغاجلارین دها یاخشی اینکیشافی اۆچون چوخ اهمّیتلیدیر."
نظرات