شهریار سایتینین وئردیگی خبره گوره، نوروز اصغرزاده، سویوق حالینین گله‌جک هفته‌نین چارشنبه‌سینده‌جه داوام ائده‌جگینی اعلان ائتدی.
شرقی آذربایجان هواشناسی اداره‌سینین کارشناسی، سویوق حالینین بو هفته‌نین اول گونونه قدر داوام ائده‌جگینی بیلدیره رک، چارشنبه گونوندن باشالایاراق استانین هاوا درجه‌سینده بو گون ایله موقاییسه‌ده ۵-۱۰ درجه سانتی‌گراد آرتیم گوزلندیگینی اعلان ائتدی.
اونون بیلدیردیگینه گوره، بو هفته‌نین سونونا قدر استاندا سویوق بیر جو حالی حاکیم اولاجاق و بو وضعیت بویوک و صنعتی شهرلرده هاوا کیرلندیرن مادّه لرینین غلظتینی آرتیراجاق.
شرقی آذربایجان، سویوق و داغلیق بیر منطقه‌دیر و اقلیم بولگه‌لری نوقطه‌یی‌نظریندن یاری‌قورو منطقه‌لره عاییددیر. بو استانین هاوا حالی عومومیتله سویوق و قورو اولسا دا، توپوگرافیک چئشیدلیلیگینه گوره موختلیف اقلیم‌لره صاحیبدیر
نظرات