شهریار سایتینین خبری‌نه گوره، حسین اقبالی بو باره‌ده دئدی: "تبریزین تئاتر هفته‌سی، تئاتر صنعتینی یاییلماسی، محلی تئاتر قروپلارینا حمایت و دایاق اولونماسی و همشهری لر اوچون مدنی بیر فضانین یارادیلماسی مقصدی‌له فرشته مدنیت ساراینین آمفی تئاتر سالونوندا کئچیریله‌جک.
اقبالی دئدی: تبریز تئاتر هفته سی، تئاتر صنعتچیلرینه اثرلرینی خالقا گوسترمک و خالقیین تئاتر صنعتی‌له داها یاخیندان تانیش اولماسی اۆچون بیر فرصتدیر."
او آرتیردی: "بو هفته‌ده، هر گون ساعات ۱۱ صبح‌دان ۱۳-دک فرشته فرهنگسراسی‌نین آمفی تئاتر سالونوندا ایکی تئاتر اجراسی اولاجاق."
تبریزین ۵-جی منطقه‌سینین مدنی و اجتماعی مدیری، بو برنامه‌یه قاتیلماق همشهری لر اوچون پولسوز اولدوغونو و اونلارین بو فرصتدن ایستیفاده ائده‌رک تئاتر صنعتی‌نین لذتی‌نی چکه بیلجگینی بیلدیردی.
اقبالی، دئدی: "بو برنامه‌نین اساس مقصدی، جامعه‌نین مدنی سطحینی یوکسلتمک، تئاتر صنعتچیلرینه دایاق اولماق و صنعتچیلرله خالق آراسیندا تعامل یاراتماق‌دیر. بئله اتفاق لارین کئچیریلمه‌سی ایله تبریز شهرینده مدنیت و صنعتین اینکیشافی اۆچون موثر بیر آدیم آتماق ایستییریک."
بو برنامه‌لر حاققیندا داها چوخ معلومات آلماق ایستین خالقلار، فرشته فرهنگسراسی‌نین اینستاگرام صحیفه‌سی‌نه (farhangsara۵@) مراجعه ائده بیلرلر.
اقبالی سون اولاراق وورغولادی: "تبریزین ۵-جی منطقه‌سینین شهرداری‌سی، مدنی و هنری برنامه‌لرین حیاتا کئچیرمه‌سی ایله همشهری لر اۆچون پویا و یارادیجی بیر فضا یاراتماق اۆچون چالیشیر. تبریزین تئاتر هفته‌سینین کئچیریلمه‌سی ده بو برنامه‌لردن بیریدیر و امید واریق خالقیین رغبت‌ی‌نی جلب ائدیر."
**فرشته فرهنگسراسی‌نین آدرسی:**
شهرک باغمیشه – الهیه کویونون قارشیسی – شمالی فرشته کویو – صنوبر کوچسی – دولت‌آبادی کوچسی.
نظرات