شهریار سایتینین خبرینه گوره، یعقوب هوشیار تئاتر دونیا گونو موناسیبت ایله کئچیریلن ییغینجاقدا یئنی ایلی تبریک ائده رک دئدی: تئاتر اینسان حیاتینی و وجودونو ان قیسا زاماندا گوجلو محتوا و تاریخی آرخا پلانلا تماشاچیلارا چاتدیریر.
هوشیار دئدی: سون ایللرده شهرده یاخشی مدنی حادثه لر باش وئریب کی، بونون سببی تئاتر و نمایش ساحه‌سینین هنرمندلرینین زحمت‌لریدیر."
هوشیار، بلدیه نین کیفیتلی تئاترا حمایتینی قئید ائده رک آرتیردی: بیز تبریزین و شرقی آذربایجانین تایسیز تئاتر پتانسیلیندن استفاده ائتمه یه چالیشیریق کی، تبریزلی تئاتر صنعتکارلاری میللی و بین‌الخلق ساحه‌لرده پارلادیغینی گوره‌بیلک."
هوشیار ۱۴۰۳-جو ایلده یارادیلان یوخاری کیفیتلی تئاتر اثرلرینه ایشاره ائده رک بیلدیردی: 'ستارخان' تئاتری تهراندا و فجر فستیوالیندا صحنه‌یه چیخدی و تماشاچیلاردان بویوک ایلگی گوردو.
بلدیه رئیسی فجر فستیوالیندا تبریزلی هنرمندلرین حضورونا ائده رک وورغولادی: "بو، تبریزین و آذربایجانین تئاتر ساحه‌سینده تایسیز پتانسلیه مالیک اولدوغونو ثبوت ائتدی."
تبریز بلدیه رئیسی ۱۴۰۴-جو ایلده ده بلدیه نین تبریزین و شرقی آذربایجانین تئاتریندان حمایت ائده جه یینی تصدیق ائده رک بیلدیردی: اومیدیم وار کی، کیفیتلی تئاتر اثرلری یارادیلاجاق و میللی و بین‌الخلق سَویه‌لرده عرضه اولوناجاق.
تئاتر گونو ییغینجاغی چرچیوه‌سینده، تبریزین بلدیه رئیسینه شرقی آذربایجان نمایش انجمنی جمعیتی طرفیندن فخری عضویت کارتی تبریزلی تئاترینین هنردمندلری طرفیندن تقدیم اولوندو.
نظرات