شهریار سایتینین خبرینه گوره، بو جلسه‌نین اساس مقصدی، شهر بویو آسفالت تولیدی، آسفالین داشینماسی و داغیدیلماسی پروسه‌لرینی نظاملاشدیرماق و پروژه‌لرین کیفیتینه دقیق نظارتین ضمانتینی وئرمک اولوب.
جلسه‌ده بلدیه رئیسی، یوخار کیفیتلی آسفالت تولیدینین اهمیتی‌نی وورغولایاراق، "آسفالتین کیفیتی، ترافیکین یاخشیلاشماسی، یوللارین تامینلیگی و داواملیلیغی اۆچون تعیین‌ائدن رول اویناییر. مقصدیمیز، معابریده اوزون عمرلو اولان یوکسک کیفیتلی آسفالت تولید ائتمکدیر" دئدی.
هوشیار، بو ایل ۷۰۰ مین تن آسفالت تولید و داغیدیلاجاغینی بیلدیره رک، "بو ایل بوتون قوروملارین و پیمانکارلارین ایش‌بیرلیگی ایله شهر بویو ۷۰۰ مین تن یوکسک کیفیتلی آسفالت داغیتماغا چالیشیریق" دئدی.
بلدیه رئیسی، آسفالت تولید پروسه‌لرینه نظارتی گوجلندیرمک امری وئریب، پیمانکارلاردان اساس آسفالت‌کاری اۆچون ۵ ایللیک، و تعمیرات ایشلری اۆچون ایسه ۱ ایللیک ضمانت طلب ائدیلدییینی تصریح ائتدی. هوشیار، "بو تدبیر، کیفیتین ضمانتینی و عمران پروژه‌لرینده مشکللرین قاباغینی آلماق اۆچون حیاتا کئچیریلهجک" دئدی.
جلسه‌نین سونوندا هوشیار، بلدیه‌نین یئنی آسفالت کارخاناسینین قورولاجاغینی آچیقلایاراق، "بو کارخانا، بلدیه طرفیندن تولید اولونان آسفالتلارین کیفیتینی آرتیرماق مقصدی‌له یارادیلاجاق" دئدی.
تبریز بلدییه‌سی، بو تدبیرلرله شهرین اساس تیکینتی (زیرساخت) وضعیتینده اساسی دییشیکلیک یاراتماق و شهروندلره داها یاخشی شرایط یاراتماغی نیشان آلیر.
نظرات