شهریار سایتینین خبرینه گوره، سامان احمدزاده تبریز بلدیه رئیسی عمرانی معاونی بلدیه نین عمرانی مدریلری ایله بیرلیکده ارتش اراضی سینین شهرین یاشیل ساحه سی و تفرّیحی آلتی‌قورولوشلاری اۆچون اهمیّتینی قئید ائتدی. او، بو اراضیلرین تبریز شهرلیلری اۆچون جاذب بیر یاشیل گئچید و پیاده یولو یارادماق اۆچون تایسیز بیر فرصت اولدوغونو بیلدیردی.
احمدزاده، بوندان علاوه، اراضی داخیلینده ۴۵ مترلیک بیر خیابانین تیکیلدیگینی ده اعلان ائتدی و بو خیابانین معراج بولوارینی اورتا کمربندینه باغلایاجاغینی دئدی.
او، معراج بولوارینین اورتا کمربندینه باغلانماسینین اهمیّتینی وورغولایاراق، بو ایشین شهرلیلرین شهرین موختلیف منطقه‌لرینه چاتماسینی آسانلاشدیراجاغینی و ترافیک یوکونو آزالداجاغینی بیلدیردی.
تبریز بلدیه رئیسینین فنی و عمرانی معاونی، اراضیده داوام ائدن پروژه‌لر حاقّیندا دانیشاراق، "حالی‌حاضیردا، اورتا کمربندی بویونجا ۳ کیلومتردان چوخ جدول‌قویما و پیاده‌رو یولو ایشلری گئدیر. اراضیده ۳ هکتار یاشیل صحنه تیکیلمه‌سی باشلانیب. مقصدیمیز، یاشیل ساحه نین یانیندا، شهرلیلر اوچون راحات پیاده و دوچرخه‌سورمه یوللاری یاراتماقدیر."
تبریز بلدیه سی، لازیملی آلتی‌قورولوشلاری حیاتا کئچیره رک، اراضیده مختلف استفاده‌لرین گئنیشلندیریلمه‌سینی هدفله‌ییر. یئنی خیابانلارین تیکیلمه‌سی، "بانوی شهر" مدنی-ایدمان مجوعه‌سینین اجراسی و ۲۰ هکتار یاشیل ساحه نین آرتیریلماسی، شهرداریلیگین بۇ ساحه‌دهک ی پروژه‌لریندن دیر.
نظرات