شهریار خبر سایتیندا وئریلن معلوماتا گوره، "تبریز بلدیه سینین نوروز بایرامی دونمینده مدنی، توریستلیک، گوزلشدیرمه و ... ساحه لرینده گوردویو ایشلری نئجه گورورسوز؟ ۱) عالی ۲) یاخشی ۳) اورتا ۴) ضعیف" سوالی ایله مجازی صفحه لرده کئچیریلمیش بو نظر سوروشمایا ۵۰,۷۲۵ نفر قاتیلدی.
آلینان نتیجه لره گوره، همشهری لرین ۳۴%-ی "عالی"، ۱۸%-ی "یاخشی"، ۲۰%-ی "اورتا" و ۲۸%-ی ایسه "ضعیف" سئچیمینی اعلان ائدیب.
بو نظر سوروشما، اینستاگرام و تلگرام صحیفه لرینده یئرلشن نصرنیوز، آذرانجمن، شهریار، یازاکو، عصر آذربایجان، تبریز بیدار، سون خبر، همشهری آذربایجان شرقی، تبریز آنلاین، عصر تبریز، عصر آذربایجان، شمس نیوز، اخبار اول، بازتاب، تبریز جوان، آی نیوز، آذر وطن، نگاه آذربایجان، تبریز سیاست، آوای تبریز، قلم پرس، احرار، دیزمار، مساوات، اخبار فردا، تبریزیمیز و تایسیز آذربایجان کیمی خبری منبعلر طرفیندن پاییلانیلمیشدی.
تبریز بلدیه سی، ۱۴۰۴-جو نوروز بایرامیندا آشاغیداکی تدبیرلری حیاتا کئچیریب:
- تفریحی و رفاهی ایمکانلار (عکاسخانه، پولسوز اینترنت، شاد برنامه لر و ...) ایله توریست کمپلری
- پولسوز کارواشلار
- شهریین هر یئرینده گول بوتالارینین اکیمی و شهرین ایشیقلاندیریلماسی
- نوروز المانلارینین قورولماسی
- "تبریزی گزمه" اتوبوسلاری و "مندن سوروش" تاکسیلری
- چایلار، قنولار و کاناللارین تمیزلنمه سی
- خیابانلارین نظافت و تمیزلیگی
- توریستی منطقه لرینده مدنی برنامه لر
- تاریخی ائولرین توریستلر اوچون حاضیرلانماسی
نتیجه ده تبریزلی لرین ۷۲%-ی بلدیه نین نوروز چالیشمالارینی "یاخشی" و "عالی" اولاراق دییرلندی.
نظرات