تبریز بلدییه‌سینین ارتباطات و بین‌الخالق امور ایداره‌سینین آراشدیرما و فکرسوروشما واحدی طرفیندن آپاریلان بیر سوروشدورمایا گوره، تبریزین آسیا اولکه لرینین محیط زیست پایتختی سئچیلمه‌سیله باغلی اولاراق شهروندلارین ۴۷%-ی یاشیل ساحه‌لرین داها آرتیق توسعه و اینکیشافینی طلب ائتمیشلر.
شهریار سایتینین خبرینه گوره، بو سورغو و نظرسنجی ده همشهری لردن بئله سوروشولموشدور: "تبریزین ۲۰۲۵-جی ایلده آسیا اولکه لرینین محیط زیست پایتختی سئچیلمه‌سیله، بوساحه‌ده هانسی تدبیرین موثر اولاجاغینی دوشونورسوز؟
الف) یاشیل صحنه‌لرین اینکیشافی
ب) چیرکلی صنایعین دایاندیریلماسی
ج) شهروندلارین محیط زیستین قورونماسینا قاتیشماسی
د) عمومی نقلیاتین اینکیشافی"
بو سوروشدورمایا اینستاگرام و تلگرام صحیفه‌لری واسطه‌سیله ۲۶،۸۸۵ نفر قاتیلدی.
آلینان نتیجه‌لره گوره:
۴۷% یاشیل صحنه‌لرین اینکیشافینی
۲۰% چیرکلی صنایعین دایاندیریلماسینی
۱۵% شهروندلارین محیط زیستین قورونماسینا قاتیشماسینی
۱۸% ایسه عمومی نقلیاتین اینکیشافینی ترجیح وئرمیشلر.
بو سوروشدورمهانی آشاغیداکی صحیفه‌لر یاییملادی:
نصرنیوز، شهریار، عصر آذربایجان، مهر آذربایجان شرقی، یازاکو، تبریز بیدار، سون خبر، تبریز آنلاین، عصر تبریز، اخبار اول، بازتاب، تبریز سیتی، تبریز خبرلری، آذر وطن، آی نیوز، تبریز سیاست، آوای تبریز، قلم پرس، دیزمار، اخبار فردا، احرار.
تبریز ۲۰۲۵-جی ایلده آسیا اولکه لرینین محیط زیست پایتختی سئچیلدی
آسیا شهردارلار مجمعینین چاغیریسی ایله، تبریز و تورکیه‌نین آنتالیا شهری بو عنوانی قازاندی. بو موفقیتین هدفلرینه چاتماق اۆچون گئنیش اطرافلی، عاغیللی و مسئولیتلی بیر حرکت لازیمدیر. علمی، اجتماعی و ایداره‌چیلیک پتانسیللریندن ایستیفاده ائتمک و بو ساحه‌ده فعال اولانلارین طلبلرینه عمل ائتمکله بو نتیجه‌یه چاتماق ممکندور
نظرات