شهریار خبر سایتیندان وئریلن خبره گوره، یعقوب هوشیار بو گون حجت الاسلام سیدکاظم زعفرانچی‌لر، حکیمه غفوری، علی راستی و یاسین بجانی ایله بیرلیکده شهیدلریمیزین عاییله لرینی زیارتلر ائدیب.
تبریز بلدیه رئیسی یعقوب هوشیار، اسلامی شهر شوراسینین ۴ عوضوو ایله بیرلیکده، عالی مقام شهیدلریمیز "اکبر اشرف آهنگری" و "محمدرضا پورپاشا دیزجی"نین عاییلهلری ایله گوروشوب دانیشدی.
گوروشلرین سونوندا تبریزین بلدیه رئیسی، شهیدلریمیز "اکبر اشرف آهنگری" و "محمدرضا پورپاشا دیزجی"نین عاییله لرینه تقدیر لوحلرینی تقدیم ائتدی.
شهید اکبر اشرف آهنگری ۱۳۴۴-جو ایلین بهمن آیینین ۹-دا تبریزده دونیایا گلمیش و ۱۳۶۱-جی ایلین مهر آیینین ۱۰-دا سومار منطقه سینده "مسلم بن عقیل" عملیاتیندا شهادته چاتمیشدیر.
شهید محمدرضا پورپاشا دیزجی ایسه ۱۳۴۵-جی ایلین شهریور آیینین ۱-ده تبریزده دوغولموش و ۱۳۶۵-جی ایلین دی آیینین ۲۰-ده شلمچهده "کربلای ۵" عملیاتیندا شهادت درجه سینه یتیشمیشدیر.
نظرات