بلدیه رئیسی یعقوب هوشیار شهریارا وئردیگی موصاحیبه‌ده دئدی: "۵۰۰ میلیارد تومن اعتبارله ۱۸ عمرانی پروژه و ۴۵ میلیارد تومان خرجله محله‌لرده آسفالت‌دوزه لتمه ایشلری حیاتا کئچیریلیر."
هوشیار بو پروژه‌لرین یول آچما، محله پارکلاری، اود سوندورمه ایستگاهلاری، ورزشی پروژه‌لر و شهرین موختلیف نقطه‌لرینده کف‌دوزه لتمه ایشلری اولدوغونو بیلدیره رک، مقصدین شهر آلتی‌قورولوشلارینی یوکسلتمک و عمومی رفاهی آرتیرماق اولدوغونو قئید ائتدی.
بو پروژه‌لر تبریزین ۱، ۲، ۳، ۴، ۵ و ۷-جی منطقه‌لرینده فعالیته باشلایاجاق.
هوشیار بلدیه نین دایانمادان شهرین عمرانی اینکیشافینی داوام ائتدیردیگینی و ائلجه ده بو ایل ۴۰ هزار میلیارد تومان بودجه ایله شهرین آلت‌قورولوشو، گوزلشدیریلمه سی و یاشاییش کیفیتینین یوکسلمه سی اوغروندا چالیشدیغینی بیلدیردی.
خدمته حاضر اولونان پروژه‌لردن بیر نئچه سی :
- شهید وحید نومی گلزار یول آچما پروژه‌سی
- جنوبی فرشته ده شهید مالک رحمتی مدنیت‌سارایی
- ستارخان استخری
- ارتش اود سوندورمه ایستگاهی
- پرواز پارکیندا چمن ایدمان ساحه‌سی
- لاله پارکینین آرخاسیندا ایدمان ساحه‌لری
- دادگستری محله‌سینده میوه و تره بار سالونی
- خلجان و رواسان محله‌لرینده پارک‌لار
- زعفرانیه پارکیندا کافه-کیتابخانا
-
اوشاق لار اوچون نور اینکیشاف بیناسی
نظرات