شهریار سایتینین خبرینده گوره، محبوب عبدالله‌پور دئییب کی، پلیس یول قورومو ایله بیرگه مشترک ایش نتیجه‌سینده بو خطرلی نقطه‌لر معیین ائدیلیب. چوخوسو قبلی ایلده ترافیک مشاورلری طرفیندن آراشدیریلیب و تکنیکی حللر بلدیه‌نین نقلیه و ترافیک کومیته‌لرینده تصدیق ائدیلیب.
عبدالله‌پور بیلدیریب کی، ۲۸ خطرلی نقطه‌نین ۲۵-ی اوچون ایجرا طرحلری حاضیردیر و یول امنیتی آرتیرماق مقصدیله عملیاتلار باشلانیب. قالان ۳ نقطه ایسه حال‌حاضیردا ساحه‌ده آراشدیرما مرحله‌سینده دیر و ۱۴۰۴-جو ایلین بیرینجی یاریسیندا تکمیل اولوناجاغی گوزله نیلیر.
تبریزین نقلیه شبکه‌سینین مودورو، اجرا اولونموش تدبیرلری بئله آچیقلاییب:
· یوللارین هندسی وضعیتینین یاخشیلاشدیریلماسی
· ایمنی سیستملرینین و ایشاره‌لرین تابلولارینین قورولماسی
· اییشیق سیستمینین یوکسلدیریلمه‌سی
· ترافیک اداره‌سی تنظیملرینین یئنیدن گوزدن کئچیریلمه‌سی
بو تدبیرلرین تصادفلرین آزالماسیندا و شهرلیلرین تردد ایمنی سین آرتماسیندا موثر اولدوغو وورغولانیب.
عبدالله‌پور، بو ایشین داوام ائده‌جگینی بیلدیره رک، بلدیه‌نین استراتژییی پلانلاری چرچیوه‌سینده خطرلی نقطه‌لرین معیین ائدیلمه‌سی و حلّ ائدیلمه‌سینین داوام ائتدیگینی، یئنی ترافیک تکنولوژیلریندن استفاده ائدیلمه‌سی ایله ایمانلیق زیرساختلارینین داها دا یوکسلدیریله‌جگینی قیض ائدیب.
سون اولاراق، عبدالله‌پور ۱۴۰۲-جی ایلده دوولت طرفیندن معیین ائدیلمیش ۶۵ خطرلی نقطه‌نین ۸۰%-نین حلّ ائدیلمه‌سینی اعلان ائده رک، شهرلیلره ترافیک قانونلارینا رعایت ائتمه‌لری اوچون تشکر ائدیب. همشهری لردن دقیق معلومات وئرمه‌نی و ایمنی آرتیرماق اوچون تکلیفلرینی یازماق ایسته‌ییب.
نظرات